قلت الوداع وجاوبت دمعة العين.؟؟؟

قلت الوداع وجاوبت دمعة العين.؟؟؟؟؟؟؟

قلت الوداع : وجاوبت دمعة العين********تجرح بساتين الخدود النديه

وغضت وشفت بعينها الحزن حزنين*****وصاااحت على الفرقا انا مو قويه

وجاوبتها أرجوك تكفين تكفين *******والله دمعك تشعل النار فيه

وقالت :تعاهدني عهاد المحبين********الله يخون اللي يخون خويه

قلت: أبشري واللي خلق لا تظنين******حرام ماغيرك عشقت آدميه

وقصت شعرها وقلت:أنا وش تسوين ****قالت:أبي من غرتي لك هديه

ونادتني الغربه على الهم والبين ******أحسب الأيام روحه وجيه

وفي كل ليلة ترتسم بين رمشين********خيالها بين الرموش الشقيه

غربة سنه بذمتي غربة سنــــين********متى على الله يلتقي الحي حيه

خلااااص هانت مابقى غير يومين******خلااااص قفت غربة جرهدية

ورجعت شوقي في خفوقي براكين****ورجعت أنا كلي جاذبيه

وسألت ماردوا ؟ وأنا أصيح هي وين****وكل(ن) نثر من داخل العين ميه

وفي معمة حزني تلقيت رمحين*******قالوا: تـــوفـــت غافلتها المنيه

وفي غرغرتها ماذكرت غير حرفين******تشهدت بأسمك شفاة البنيه

وتزاحمت في داخلي ألف سكين********والحزن يطويني ثمانين طيه

’صدمه’ وجاوبتني على الأرض نصفين******وشلون راحت دون ذنب وخطيه

تكفون دلوني على القبر هالحين**********ماعاد فيني للصبر مقدريه

وقفت أطالع قبرها نصبين************* وجلست أضم أغلى النصايب عليه

وأصيح وش بك يالغلا ماتردين******أشتقت همس شفاتك النرجسيه

وش فيك جيت من السفر ما تهلين*****ماهي بلك عادة ولا إنتي رديه

وحاولت في لحظه أجرح الدين******وزأيح تربة قبـــرهــا في يديه

وبالغصب شالوني حشى تقل مسكين******** وأصرخ بهم والله والــله حيه

وقفت وتاهت بي جميع العناوين****** والحزن يلعب داخلي سامريه

ورجعت لدروب الشقى قبل عامين ****** مدري من اللي صار فينا الضحيه

قلت الوداع وجاوبت دمعة العين.؟؟؟ Asd

يسلموالى صقر على الكلام اليافت دة يسلمو عايزين كمان

:::::::::: يسلمو على مرورروك دبورآ ::::::::::::

» قالتلى الوداع قوالتها قشطة